Ingi Dyari

Fu Erkenning Go na Tamara

Gi Stichting Herdenking Slavernijverleden – Global Indigenous (SHS-GI), Ingi Dyari na wan dyari fu memre, miti makandra èn de makandra. Wi e gi wi afo nanga den slachtoffer fu Ingi srafuten, kolonialisme nanga geweld eer. Na a srefi ten wi e firi prisiri fu a krakti, kulturu, sabi nanga a fasi fa Ingi sma e opo baka. Nanga a thema ‘Fu Erkenning Go na Tamara’, wi e tyari fosi ten makandra nanga san wi musu du gi den sma di o kon baka wi.

Memre èn meki sma si

A tori fu Ingi srafuten nanga verzet de wan pisi fu Nederlands nanga Sranan koloniale tori. Ma sma no e gi Ingi ervaring nanga den fasi fa den e luku a grontapu nofo presi ini geschiedenis, na skoro èn ini san wi alamala e memre. Nanga wan plechtige memre nanga kransi poti na a Trans-Atlantisch Slavernijmonument na Den Haag, wi e gi a tori disi wan presi pe sma kan si en. Wi e tai traditionele schouderdoeken na den Ingi silhouetten fu a monument fu gi wi afo eer. So memre e kon makandra nanga kulturu gi door.

Kulturu nanga sabi gi door

A dyari disi no de fu san wi lasi nomo, ma tu fu san wi pipel kibri: wi tongo, tori, spiritualiteit nanga wi bandi nanga a gron èn natuur. Poku, dansi, kunst, wan kulturu-markt nanga sani gi pikin e gi presi fu firi a erfenis disi èn gi en door. Yonguman, bigisma, sabiman, kunstenaar nanga fisitiman e kon makandra rond wan kulturu di e libi èn e gro.

Erkenning di e go moro fara

Gi SHS-GI erkenning abi warti te a e meki kenki di e tan. Dat' meki wi e tyari memre makandra nanga ondrosuku, sabi prati nanga taki fu a presi fu Ingi tori na skoro, erfgoed nanga beleid. Ingi sma no de ondrosuku-onderwerp nomo: den de kennispartner nanga a srefi warti, di srefi e gi richting na fa den tori e skrifi, kibri èn gi door.

Wi e memre san lasi. Wi e gi erkenning na san ben tan tiri tumusi langa. Wi e firi prisiri fu san wi afo kibri. Èn wi e wroko makandra fu wan tamara nanga leti gi den sma di o kon baka wi.